OH~.~忘記放稿了~
《散蛋劇場0615 急停列車》
G: 你點解唔讓座呀？
N: 好地地邊度搵個座嚟讓呀？
G: 你個座呀？
N: 我個座個任期都未完，讓咩座呀？到站先啦~
G: 有人更加需要你個座呀！
N: 你叫佢爭取提名先啦~
N: 你叫佢跟番正常嘅程序申請啦，唔可以中途上車話要就要架嘛。
G: 你要點先肯讓呀？你見唔見到人地婆婆已經好攰啦？
N: 佢梗係攰啦~阿嫻婆婆可？做咁多嘢，攰就梗架啦！攰咪加入支力會囉~
G: 過去嘅嘢就算啦~
N: 點止過去嘅嘢就算啫，我而家連將來嘅嘢我都算架啦~係咪先~阿嫻婆婆你都睇開啲啦~將來嘅嘢？算啦~
G: 可唔可以唔好咁少氣呀？作為一個年輕人，包容下婆婆，好困難咩？
N: 唔困難，不過佢又冇親口叫我幫，係咪？隔一個人叫我幫，成件事，都係婆婆自己決定嘅，佢又唔會我講，我好難幫佢架嘛~
G: 你睇下個行車圖先啦~婆婆要返羅湖，你睇幾遠車程？你唔讓佢佢就企足全程架啦~
N: 佢可以唔返架~佢自己選擇自我遣返喳嘛~冇人迫佢架喎~
G: 冇人迫佢~係老人院迫佢喳嘛，老人家根本就唔可以喺嗰啲老人院住落去。
N: 政府會幫佢架嘛~排嗰啲公營護老院嗰啲床位吖嘛~
G: 公營護老院嗰啲床位？你知唔知嗰啲要排幾耐呀？
N: 咪係囉~公營車廂哩啲座位，你知唔知哩啲要排幾耐呀？
Search